Университет кітапханасының конференция залында кітапхана ұжымы, Әлеуметтік-гуманитарлық ғылымдар факультетінің «Тарих» кафедрасымен бірлесе «Міржақып Дулатұлының саяси қызмететінің маңызы» атты дөңгелек үстел өтті.
Кітапхана қызметкерлері тақырыпқа орай кітап көрмесін ұйымдастырды. Іс-шараға «Тарих» кафедрасының ОПҚ құрамы, білімгерлер және Түркістан қаласындағы Төле би атындағы № 19 жалпы орта мектебінің 8-сынып оқушылары және ұстаздары қатысты.
Дөңгелек үстел модераторы ТТА -011 тобының студенті Мұрат Беркінбаев Алаш арыстары жайлы, соның ішінде Міржақып Дулатұлының өмірбаяны, саяси қызметі, тарихта қалдырған орны жайлы баяндама оқып , «Оян қазақ» атты түсірілімді көрсете отырып, кеш қатысушыларының патриоттық рухын оятып, терең зерттеп, оқуға шақырды.
Кеш соңында баяндамашы Мұрат Беркінбаев кітапханаға, «Тарих» кафедрасына Алаш арыстарының кітаптарын сыйға тартты.