07.12.2022 ж. университет кітапханасына Дінмұхамед Ахметұлы Қонаев жайлы «Таңғажайып Қонаев» атты шығармасымен оқырманды елең еткізген қаламгер Ораз Қауғабай келіп, өз еңбектері жөнінде кең мағлұмат беріп кетті. Қонаевтың 110 жылдық мерейтойы қарсаңында ғалым, жазушылар, тарихшылар тарапынан бұл қаламгерге Қазақстандағы алғашқы Қонаевтанушы атағы беріліп отыр екен. Кітапханашылармен өткен кездесуде сұрақ-жауаптар беріліп, алдағы қаламгердің жоспарларына да қызығушылықтар танытты. Келген қадірменді қонақты кітапханамен таныстырып, естелік суретке түстік.