23 сәуір – Ұлттық кітап күніне орай кітапханамызда ұйымдастырылған кітап көрмесі тағылымы терең, мазмұны бай рухани шара ретінде өз деңгейінде өтті.

Көрме барысында оқырмандар кітап әлемінің тылсым сырларына үңіліп, рухани нәр алды.  Сонымен қатар, «Кітап талдау» рубрикасы аясында кітапханашылармен бірлесе отырып, М.Мағауиннің «Әйел махаббаты» шығармасы жан-жақты сараланды. Шығармадағы адам жанының нәзік иірімдері мен махаббаттың кіршіксіз болмысы тереңінен талқыланды.

Шара кітапсүйер қауымның әдебиетке деген ықыласын арттырып, рухани дүниесін байыта түсуге өзіндік үлесін қосты.