Қазақстан республикасы өз тәуелсіздігін жариялаған тұста  Европада ең алғашқы болып Румыния мемлекеті танып, 1992 жылдан бастап  екі ел арасында дипломатиялық қарым – қатынас  орнатылған болатын. Қазіргі таңда екі ел арасындағы  байланыс өз жалғасын табуда. Румынияның қазіргі Президенті  Клаус Иоханстың   «Біртіндеп басып биікке»  атты кітабы жарық көріп отыр. Қарапайым мектеп мұғалімінен Румыния Президенті болғанға дейінгі өмір жолын баяндаған осы қызықты еңбегін  Қазақстандық журналист, аудармашы  Ерлан Шаршархан қазақ тіліне аударып,  қалың жұртшылыққа таныту мақсатында  Қожа Ахмет Ясауи атындағы ХҚТУ-і кітапханасы қорына сыйға тартты. Алда алар асулары биік болсын дей отырып, алдағы уақытта да ісіне сәттілік тілейміз.